Gratun
Search  show page numbers   Sign in
« Ժամագիրք

Հրաժարումն

Արձակումն - Ողորմեսցի քեզ մարդասէրն

Ողորմեսցի քեզ մարդասէրն Աստուած եւ թողութիւն շնորհեսցէ ամենայն յանցանաց քոց` խոստովանացելոցն եւ մոռացելոցն: Եւ ես կարգաւս քահանայական իշխանութեան եւ հրամանաւն աստուածային, թէ` Զոր արձակիցէք յերկրի, եղիցի արձակեալ յերկինս, նովին բանիւն արձակեմ զքեզ յամենայն մասնակցութենէ մեղաց քոց` ի խորհրդոց, ի բանից եւ ի գործոց յանուն Հօր եւ Որդւոյ եւ Հոգւոյն Սրբոյ: Եւ դարձեալ տամ զքեզ ի խորհուրդս սուրբ եկեղեցւոյ, զի զոր ինչ գործիցես բարիս, եղիցի քեզ ի բարեգործութիւն եւ ի փառս հանդերձեալ կենացն. ամէն:

« Զղջումն - Մեղայ ամենասուրբ Երրորդութեանն   |   Խրատք ժամատեղեաց »
© Gratun.org